КНИГАТА ИГЛА И КОНЕЦ ЌЕ БИДЕ ПРЕТСТАВЕНА ПРЕД КАВАДАРЧАНИ

Промоција надвор од стандардите, може да се каже дека е поетско музички перформанс во кој се редат стиховите сраснати со песната во едно спонтано и посебно доживување. Вака накратко може да се најави утрешниот настан кој ќе се случи во галеријата на Домот на културата „ Иван Мазов Климе “ со почеток во 19 часот.

По излегувањето во печат на неговата  прва збирка  утревечер љубителите на поезијата ќе имаат можност да ја проследат промоцијата на неговата втора книга со наслов „ Игла и конец“. Како промотор на книгата „ Игла и конец“ најавена е Добрила Грашеска инаку позната како солистка  на „ Чалгија саунд  систем“ додека поезијата на Јанчевски ќе ја презентираат Зоран Тортевски, Мери Каровска и самиот автор  Тихомир Јанчевски. Публиката утревечер во музичкиот дел ќе може да ужива во песната на Добрила Грашеска  од „ Чалгија саунд систем“ потоа Зоран Тортевски и Данаил Данаилов  од „ Хармосини“ машки хор кој го негува византискиот  стил на хорско пеење и групата „ Од збор до збор“ на Тихомир Јанчевски. Останува препораката оваа поетско музичка дружба да не се пропушти особено ова важи за сите љубители на добрата музика и поезијата  во интерпретација на група врвни македонски уметници.