БК НЕГОТИНО ДЕЛ ОД МЕЃУНАРОДНИОТ ТУРНИР ВО БОРЕЊЕ ЉУБОМИР КОЦЕВ-ЛИСТОН
Викендов во Велес се одржа меморијалниот турнир во борење „ Љубомир Коцев- Листон “ со кои беа одбележани две годишнини односно 55 години од постоењето на БК „ Борец “ и 35 години од смртта на големиот велешки борач Љубомир Коцев – Листон. Турнирот беше во организација на БК „ Борец “ Велес, а на истиот учество земаа околу 60 борачи од БК „ Балканец “ Штип, БК „ 7- мај Леов “ Прилеп, БК „ Неготино “ Неготино, БК „ Спартак “ од Кочани, БК „ Безбедност “ од Скопје и домаќинот „ Борец “ од Велес.
„ БК „ Неготино “ на овој турнир се претстави со 9 борачи во две категории. Во категорија деца, девојчиња Стефани Николова во категорија до 30 кг. освои прво место, Роберт Велков категорија до 30 кг. освои прво место, Павле Најдов категорија 38 кг освои третто место, Васко Христов 47кг. 3 место и Горан Додев категорија до 53 кг 3 место. Во категорија кадети настапивме со 4 борачи и тоа Андон Марковски категорија до 63 кг. освоено второ место, Иле Буровски категорија до 69 кг. прво место, Јане Буровски исто категорија 69 кг. третто место и Усеин Мечов категорија 85 кг. освоено 3 место. Можам слободно да кажам дека нашите борачи се покажаа доста добро во своите борби, а резултатот се освоените места – вели тренерот на БК „ Неготино “ Јане Мелов .
На настанот присуствуваше и градоначалникот на општина Велес Славчо Чадиев кој поздравувајќи ги гостите и организаторите, посака уште долги години успешна работа на сите учесници со многу забележани резултати.
