ВКУСНИ ЗАТВОРЕНИ ПИЦИ ЗА ВАШИТЕ НАЈМИЛИ

Подготовка на тесто:

700-800 гр. брашно

400 мл. вода

2 суви квасеци

2 лажички шеќер

1 лажичка сол

5 лажици маслиново масло

За фил:

300 гр. кашкавал

200 гр. печурки

300 гр. шунка

кечап, оригано по желба

За премачкување:

јајце и сусам

Најпрво во брашното се прави вдлабнатина и се става квасецот, шеќерот, па се сипува млака вода и се остава некоја минута колку да се активира. Се додава сол, маслиново масло и се замесува тесто со останатиот дел вода. Се вадат 8 кругови, се сукаат па се полнат со филот (рендан кашкавал, шунка, кечап и печурки,) само во средишниот дел, па се преклопува и се притиска со вилушка, или се витка крајниот дел. Се стават во плех обложен со хартија за печење. Се оставаат пиците на топло место да киснат, па кога се готови, се премачкуваат со едно матено јајце, се наросува сусам и се печат во загреана рерна на 200 степени околу 15 минути.