ГОДИШНА ПРОГРАМА НА ЦК АЦО ЃОРЧЕВ НЕГОТИНО ЗА 2017
Изминатите денови Центарот за култура „ Ацо Ѓорчев “ Неготино го објави Конкурсот за аплицирање за Годишната програма на оваа установа за 2017 година. Овој конкурс е отворен за сите заинтересирани творци од областа на културата и уметноста кој ќе бидат дел од годишната програма за 2017 година. Заинтересираните можат да достават свои проекти од областа на сценско-музичката дејност, литературната дејност како и ликовна дејност.
Одговорните од неготинскиот центар за култура истакнуваат дека проектите мора да содржат издржани културни и уметнички вредности како и квалитет и целосни информации за самиот настан односно проект и апликант.
Сите проекти заинтересираните можат да се достават најдоцна до 30 јуни и тоа секој работен ден од 9 до 13 часот во административните простории на Центарот за култура во Неготино. По завршувањето на Конкурсот, апликантите ќе бидат известени за примените и одобрените проекти кои ќе се најдат во Годишната програма на Центарот за култура „ Ацо Ѓорчев“ Неготино за 2017 година.
Инаку, Центарот за култура „Ацо Ѓорчев“ од Неготино од 8 јуни започна со прикажување на филмови од светската кинематографија. Филмското претставување започна од изминатата среда, а ќе се прикажува до вторник 14 јуни со почеток од 20:00 часот. Граѓаните на општина Неготино ќе имаат можност бесплатно да проследат филмови од иранската кинематографија. Филмови снимани во филмските студија од Кореја, Мексико, Кина. Центарот за култура ги поканува сите граѓани на Општина Неготино слободно да дојдат на кино и да ги проследат филмовите за кои влезот е бесплатен.
