ПОЧЕТНА » МАКЕДОНИЈА » ГРАЃАНИТЕ ДА СИ ГИ ПОДИГНАТ ЕЛЕКТРОНСКИТЕ ЗДРАВСТВЕНИ КАРТИЧКИ
ГРАЃАНИТЕ ДА СИ ГИ ПОДИГНАТ ЕЛЕКТРОНСКИТЕ ЗДРАВСТВЕНИ КАРТИЧКИ
Додадено на 12-02-2016 во МАКЕДОНИЈА
Фондот за здравствено осигурување на Македонија соопшти дека по три недели од изработката и дистрибуцијата на електронските здравствени картички (ЕЗК) во подрачните служби, досега се подигнати 33.154 електронски здравствени картички од вкупно изработени 106.541 за лицата кои имаа поднесено барање и уплатено, а ги немаа добиено картичките.
Од ФЗОМ ги повикуваат граѓаните да си ги подигнат картичките во подрачните служби, при што можат веднаш да направат и нивното активирање или тоа да го направат кај својот матичен лекар. При првата употреба на електронската здравствена картичка кај матичниот лекар осигуреникот внесува пин за понатамошно користење и нејзина заштита.
Подигнувањето на електронските здравствени картички се врши на шалтерите во подрачната служба на ФЗОМ. Сите потребни информации за електронските здравствени картички граѓаните може да ги добијат во подрачните служби на Фондот или на бесплатниот телефонски број 080033222 од 8:30 – 16:30 часот секој работен ден. Дополнително може да се информираат и на маил адресите info@fzo.org.mk, helpdesk@fzo.org.mk и на веб страницата на Фондот, во делот мое осигурување https://moeosiguruvanje.fzo.org.mk.
