ДЕНЕСКА Е 25 ДЕН ВО ГОДИНАТА

Денеска е понеделник, 25 јануари 2016 година, 25-иот ден во годината. До крајот на годината остануваат уште 341 ден. Сонцето во Скопје изгреа во 6 часот и 54 минути, а ќе зајде во 16 часот и 38 минути. Денов трае 9 часа и 44 минути. Месечината, која е во фаза на полна Месечина, ќе изгрее во 18 часот и 19 минути, а ќе зајде во 7 часот и 24 минути.

Времето во Македонија ќе биде променливо облачно, кон крајот на денот и во ноќните часови со услови за слаб локален снег. Температурата ќе се движи од минус еден до минус пет, а дневната од нула до шест степени. Во Скопје променливо облачно, кон крајот на денот и во ноќните часови со услови за слаб локален снег. Температурата ќе достигне до три степени. Во наредните денови ќе преовладува сончево и потопло време со умерена облачност. Утринските и дневните температури ќе бидат во пораст.