До Петровден пости во слава на апостолите Петар и Павле

Православните христијански верници до верскиот празник Петровден, на 12-ти јули, ќе применуваат пости во слава на светите апостоли Петар и Павле. Петровденските пости се едни од четирите редовни повеќедневни пости во текот на годината. Годинава овие пости траат 15 денови, бидејќи нивната должина зависи од терминот на празнувањето на Велигден. Имено, поради поврзаноста со Велигден, овој пост може да трае најкратко една недела и еден ден, а најдолго шест недели. Петровденски се нарекуваат затоа што почнуваат тогаш кога се празнуваат деновите посветени на Петар и Павле кои беа едни од најпознатите апостоли.