ЕДУКАТИВЕН ЧАС ЗА ВТОРО ОДДЕЛЕНЦИТЕ ОД ООУ ГОЦЕ ДЕЛЧЕВ НЕГОТИНО

Изминатите денови учениците од второ одделение во ООУ “ Гоце Делчев “ Неготино во рамки на својата наставна програма беа во посета на Територијалната противпожарна единица Неготино каде се сретнаа и поразговараа со вработените во истата. Пред дечињата говореше командирот на ТППЕ Неготино Иле Илиев од кој второ одделенците добија прширување на нивните знаења од обаста на противпожарната заштита, научија како да ги избегнуваат опасностите и да развиваат ќуство на одговорност кон својата безбедност но и безбедноста на другите.

Да разликуваат елементарни непогоди - пожар и како да се заштитат со повикување на бројот 193. Дечињата имаа можност и на лице место,одблиску, секако прикажано од стручните лица, да ја видат целата работа на ТТПЕ Неготино.

Заеднички со своите наставници второ одделенците посетата ја продолжија и на автобуска и железничка станица во Неготино каде ги проширија своите знаењата за правилно и безбедно движење со воочување на сличностите и разликите на различните сообраќајни средства, а целата на посетата беше да ја сфатат важноста на сообраќајната поврзаност на различните делови од својот крај и пошироко.

На крај, второ одделенците едукативниот час го завршија со детска игра и одмор на Спортско рекреативниот центар „ Младост “ Неготино.