ЕДУКАТИВНИ РАБОТИЛНИЦИ ЛОКАЛНА БИБЛИОТЕКА НЕГОТИНО
Проектот „ Сакај ја твојата библиотека “ на локалната библиотека „ Страшо Пинџур “ од Неготино се покажува повеќе од успешен. И изминатата сабота како и претходните неготинската локална библиотека беше посетена од најмладите во општината. Посетителите слушнаа едукативни приказни за „ Тајниот свет на инсектите “ , се дружеа, забавуваа.
Изработуваа инсекти од хартија, а цртаа и цртежи на кои го претставија се она што го научија за инсектите. Одговорните од локалната библиотека „ Страшо Пинџур “ Неготино се задоволни од посетеноста на дечињата на овие едукативни приказни и се надеваат дека секоја сабота ќе се зголемува бројот на дечињата кои ќе сакаат да слушнат бројни приказни и ќе научат да ја сакаат библиотеката.
Досега неготинската библиотека ги спроведе едукативните работилници за егзотичните птици, насмеаната пролет, егзотичните риби, патувањата во светот на дивите животни, Здравата храна, Тајните на инсектите и многу други.
Изминатиот период под мотото „ Читај, Сонувај,Прашувај, Посакај и Уживај “Локалната бибиотека „ Страшо Пинџур “ Неготино го објави наградниот конкурс за најчитатели „ Лето 2016 “.Според дадените критериуми од страна на локалната библиотека натпреварот ќе трае за време на целиот летен распуст, а сите членови кои за време на летото ќе изнајмат и прочитаат најмногу книги, локалната библиотека ќе ги награди.
И оваа година натпреварот се реализира во категоријата деца и категорија возрасни. На сите читатели, локалната библиотека Страшо Пинџур од Неготино има порачува да имаат убаво лето исполнето со прекрасни моменти надополнети со книгите и бестселерите токму од неготинската локална библиотека.
