ЗЕЛЕНИОТ КАРАВАН ВО НЕГОТИНО

Едукативниот и забавен „ Зелен караван “ денеска ги посети најмладите во Неготино односно дечињата од детската градинка „ Фемо Кулаков “ во Неготино. Преку креативни, инетерактивни и едукативни активности поддржани од познатата нутриционистка д-р Драгица Зенделовска дечињата но и присутните родители научија за значењето и консумацијата на здравата, органска храна, здравите навики и грижата за сопственото здравје, а готвеа и дегустираа здрава органска храна од производите и рецептите на програмата „ Хелти фуд “ на компанијата Зегин.

За директорката на неготинската детска градинка Весна Нацева ваквите едукации за здравата храна се многу значајни за децата и додаде дека градинката секогаш внимава на квалитетот на храната која им се нуди на децата.

Инаку, Зелениот караван е во организација на агенцијата „ Маркетин Микс “ поддржан од компанијата Зегин преку кој повеќе од 2.200 дечиња од вкупно 19 градинки низ целата дражава, ќе се едуцираат, забавуваат и дружат благодарение на „Зелениот караван“ кој ќе трае се до почетокот на месец јуни.