ИЗЛОЖБА НА МЛАДИТЕ НА МЕДИА АРТ МОФ КЛУБОТ ПРИ ЦРОР

Под мотото „ Демонтирај, сортирај, рециклирај “, утре, среда 24 декември со почетокот од 18 часот, во Музејот на град Неготино  ќе биде отворена изложбата на Младите од Медиа АРТ МОФ клубот во ЦРОР во Неготино. Како што велат од ЦРОР, целта на овој настан е да се информираат не само младите, туку и другите граѓани во Неготино за рециклирање на отпадот и реупотреба на истиот со намена во други облици и предмети. Целта е тие да согледаат и размислат за тоа дека од отпадот може да се направат многу  корисни и декоративни нешта кои би можеле да се користат во нашето секојдневие.

 „ Промената доаѓа од нас младите и сите заедно можеме да ги измениме, промениме и подобриме искористените предмети. Креативно и со стил секој материјал може да се смени и да биде искористен повторно како и пренаменет за многу нешта. Доколку успееме да ја подигнеме свеста кај младите инспирирани заедно на локално ниво би ги смениле сите работи во иднина и воедно би го намалиле отпадот на локално ниво“- велат од ЦРОР. За сите присутни на настанот, ЦРОР ќе поклони и мали изненадувања.