ИЗЛОЖБА УМЕТНОСТА НА РЕЗБАТА ОТВОРЕНА ВО НЕГОТИНО

Музејот на град Неготино со свои активности синоќа се вклучи и го одбележа Меѓународниот ден на музеите 18 мај. Имено, по повод одбележувањето на овој ден, Музејот на град Неготино синоќа ја организираше изложбата „ Уметноста на резбата“ на која беа изложени  32 дела од резбарите од ЗЗН „Стари занаети“ од Неготино.

Инаку, изложбата по својот карактер беше ретроспективна, а изложените дела претставуваа пресек на творењето не копаничарите од Стари Занаети во периодот на нивното формирање во 2004 година до денес. Огромна благодарност до Музејот на град Неготино истакна и претседателката на Здружението стари занаети од Неготино Љиљана Василева и додаде дека соработката со Mузејот ќе продолжи и понатаму.