КАВАДАРЕЧКИОТ СТРЕЛАЧ НИКОЛА ИЛИЕВ НА МЕЃУНАРОДЕН ТУРНИР ВО СТРЕЛАШТВО ВО БЕЛГРАД

Најдобриот сениор  во Република Македонија стрелачот на Стрелачкиот клуб Кавадарци Никола Илиев изминатиот период учествуваше на Меѓународен турнир во стрелаштво во Белград, Република Србија. Во конкуренција на стрелци од 20 земји, Илиев успеа да помине 585 круга од 600 можни и да освои многу добри резултати. Тренерите Атанас Танев и Илија Милков се задоволни од постигнатите резултати на Илиев на овој меѓународен турнир. И претседателот на стрелачкиот клуб Кавадрци Благој Пешиќ е задоволен од постигнатите резултати и истакна дека кавадаречкиот стрелачки клуб поради финансиската состојба не успеал да учествува со повеќе стрелачи, но се надева дека кога ќе се подобри финансиската состојба клубот уште повеќе ќе ги подобри своите резултати.