КЛУБОТ НА МЛАДИ ПРИ ООЦК НЕГОТИНО ЗАПОЧНАА СО РЕАЛИЗАЦИЈАТА НА ПРОЕКТИТЕ ОД ПРОГРАМАТА ЦКА-ПХВ

Клубот на млади при Општинската организација на Црвен крст Неготино започна со реализација на проектите во рамки на програмата кој се однесува на хуманоста „ Црвен крст во акција-промоција на хуманите вредности “. Заедно во соработка со Дневниот центарот за лица со ментален хендикеп „ Порака “ Неготино и Јавното претпријатие „ Комуналец “ младите од неготинскиот црвен крст извршија чистење на парковата површина на Спортската сала  „ Младост “ Неготино. Покрај расчистувањето, волонтерите поминаа и доволно време со корисниците на Порака и ги разубавија нивните моменти со прекрасно блескави насмевки.

Клубот на млади при ООЦК Неготино изминатата година успеа да реализира бројни ПХВ проекти од кои неколку беа оценети со највисока оценка за кои им беше доделено значајно признание „ Пехар на хуманоста “. Ова признание по втор пат заврши во рацете на младите активисти на неготинскиот црвен крст, со што неготинската младинска организација покажа дека е најуспешна на територијата на цела држава или поткрепено со факти , младите од Црвениот Крст Неготино секоја година се меѓу првите три општински организации во Македонија според квалитетот, изработката и спроведувањето на ПХВ проектите.  Токму преку овие ПХВ проекти, младинците активно работејќи успеаја да го променат животот на неколку фамилии во Неготино преку организација на разни настани, собирање на средства итн., со цел да помогнат онаму каде што е најпотребно.

Инаку, “Црвен крст во Акција-Промоција на хумани вредности” (ЦКА-ПХВ) е проект кој со години континуирано се имплементира, а главната цел на ЦКА-ПХВ е вклучување на младите со различна етничка припадност во заеднички проекти за изградба на заемното разбирање, толеранцијата и културата на дијалог.