КОНКУРС „ НЕДОВРШЕНА ПРИКАЗНА ЗА ЗБУНЕТИОТ ЗМЕЈ “

Локалната библиотека „ Страшо Пинџур “ од Неготино и понатаму продолжува да се грижи за најмладите и да ги поттикнува да ја искажат својата креативност и својот талент. Во рамки на ова и овој пат неготинската локална библиотека распиша креативен конкурс но малку поразличен од досегашните. Конкурсот е насловен како „ Недовршена приказна за Збунетиот Змеј “. Овој конкурс е наменет за млади автори од општина Неготино до 14 години, а она што е потребно да го направат е со своја креативност и оригиналност да го смислат продолжението и крајот на приказната „ Збунетиот Змеј “. Сите заинтересирани млади автори од Неготино кои сакаат да учествуваат на овој креативен конкурс, првиот дел од приказната може да го најдат во локалната библиотека „ Страшо Пинџур “. Како што информираат од локалната библиотека и овој конкурс ќе биде награден, а приказната која ќе биде оценета за најдобра ќе биде и објавена. Текстовите потребно е да содржат најмногу до 450 зборови и да бидат пишувани со 12 големина на фонт . Секој текст потребно е да биде потпишан со шифра и телефонски број и да се достави дирекно во локалната библиотека. Овој конкурс ќе трае до 15 април. Инаку, покрај овој во тек е и конкурсот за ликовно-креативни изработки насловен како „ Јајце од колаж “ кој исто така е награден, а прво на учество имаат сите ученици до петто одделение од двете училишта и подрачните училишта кои делуваат во истите во општина Неготино. Творците своите дела означени само со шифра и телефонски број за контакт потребно е дирекно да ги достават во просториите на библиотеката најдоцна до 8 април, а наградите за истите ќе им бидат доделени на 10 април.