НАГРАДЕН КОНКУРС ЈАЈЦЕ ОД КОЛАЖ НА НЕГОТИНСКАТА ЛОКАЛНА БИБЛИОТЕКА
Во пресрет на одбележувањето и прославувањето на најголемиот христијански празник кој го одбележува и слави Христовото Воскресение „ Велигден “ , Локалната Библиотека „ Страшо Пинџур “ од Неготино и годинава го објави креативениот Велигденски награден конкурс насловен како „ Јајце од колаж “.
„ Како дел од програмата на активности на локалната библиотека за оваа 2016 година за анимирање и поттикнување на креативноста и фантазијата кај најмладите граѓани од општина Неготино, по повод празникот Велигден и големиот интерес за креативни изработки и годинава решивме да го распишеме Велигденскиот награден конкурс „ Јајце од колаж “ на кој за разлика од минатата година кога право на учество имаат сите ученици до петто одделение, годинава истиот го организираме за првачињата од двете основни училишта во Неготино Гоце Делчев и Страшо Пинџур секако и подрачните кои делуваат во истите од општина Неготино.
Творците своите креативни дела во знакот на Велигден потребно е да ги означат со телефонски број за контакт и да ги предадат директно во просториите на локалната библиотеката и тоа најдоцна до петок 29 април. По разгледување од комисијата од библиотеката, наградените ученици ќе бидат објавени, а ќе им бидат доделени и награди“- вели директорката на Локалната библиотека во Неготино , Катерина Данаилова.
Инаку, изминатиот период неготинската локална библиотека имаше организирано бројни конкурси на кои најмладите ја покажаа својата креативност, а за истата беа наградени.
