НЕГОТИНСКАТА БИБЛИОТЕКА ГИ НАГРАДИТЕ ЗА НАЈЧИТАТЕЛИ ЗИМА 2014/15
Во склоп со активностите кои се предвидени во неделата кога го прославува својот патронен празник, локалната библиотека „ Страшо Пинџур “ од Неготино во своите простории вчера ги прогласи „ Најчитателите за Зима 2014/15 “ година. Овој настан традиционално се одбележува секоја година, а библиотеката ги наградува своите членови-ученици кои прочитале најмногу книги за време на зимскиот период.
За најчитатели- зима 2014/2015 година, библиотеката ги прогласи: Андова Симона и Манчевска Ивана од ООУ „ Страшо Пинџур “, Цветкова Марија и Ангелова Ана Марија од ООУ „ Гоце Делчев “ и Манчев Петар и Минова Сузана од СОУ „ Св. Кирил и Методиј “ од Неготино. Локалната библиотека на сите добитници им додели и дипломи и пригодни награди.
Инаку, по повод претстојниот празник 8 Март, локалната библиотека „Страшо Пинџур“ Неготино објави и награден конкурс за кретивни изработки - НАЈКРЕАТИВНА ЧЕСТИТКА. Право да учествуваат на овој конкурс имаат сите ученици од прво и второ одделение од основните училишта од општина Неготино. Конкурсот трае до сабота, 07 март. Сите заинтересирани ученици, честитките со свои податоци потребно е да ги оставаат директно во просториите на локалната библиотеката.
