НЕГОТИНСКАТА БИБЛИОТЕКА СО БРОЈНИ НАСТАНИ ЗА СВЕТИ ТРИФУН

Локалната библиотека „ Страшо Пинџур “ од Неготино и годинава по повод празникот „ Свети Трифун “ организира бројни настани. Имено, во четврток 11 февруари организира натпревар по креативно пишување. Натпреварот ќе се реализира во просториите на ТИЦ „ Желкова куќа “ во Неготино со почеток од 12 часот. Право на учество имаат сите ученици од шестто до деветто одделение од општина Неготино. Учесниците ќе пишуваат на самото место на натпреварот на одредена тема, а сите заинтересирани кои сакаат да учествуваат истото можат да го направат најдоцна до среда, 10 февруари,  во просториите на локалната библиотека.

По повод празникот, неготинската библиотека распиша и литературен конкурс за Есеј на кој право на учество имаат сите средношколци од општина Неготино. Текстовите за овој конкурс треба да бидат напишани на тема „ Вино и еден аманет “ во печатена форма со фонт 12 и проред 1,5 потпишани единствено со шифра и телефонски контакт и истите заинтересираните да ги  достават во просториите на локалната библиотека во Неготино најдоцна до 11 февруари, четврток. Како и досега најдобрите текстови и есеи ќе ги оценува комисија од Локалната Библиотека „ Страшо Пинџур “ од Неготино.