Неготинскиот градоначалник ги посети оние коишто работеа за Нова година
Додадено на 03-01-2014 во НЕГОТИНО
Во очи новогодишната ноќ, градоначалникот на Неготино, Ванчо Апостолов, го посети дежурниот медицински персонал во здравствениот дом во Неготино, дежурните полицајци во полициската станица и дежурните пожарникари коишто работеа за време на новогодишната ноќ, како и дежурното лице во општинската зграда.
Притоа, Апостолов им посака на вработените во овие три служби да немаат многу интервенции за време на новогодишната ноќ, а од здравствениот дом исто така изразија надеж дека вечерта ќе биде мирна.
Покрај посетата на градоначалникот, вработените во полициската станица во Неготино на својот колега Власе Симоновски, којшто отиде во пензија, му подарија часовник, посакувајќи му пријатни пензионерски денови.
