НОВИ ЦЕНИ НА НАФТЕНИТЕ ДЕРИВАТИ

Малопродажната цена на бензините се зголемува за половина денар, додека цената на дизелот се зголемува за два денари, објави Регулаторната комисија за енергетика.

Согласно одлуката, новата цена на еуросуперот БС-95 изнесува 58 денари за еден литар, а литар еуросупер БС-98 ќе се продава по 60 денари. Новата цена на еуродизелот од ноќеска на полноќ ќе изнесува 41 денари за литар, додека екстра лесното масло за домаќинство (ЕЛ-1) ќе се продава по 29,5 денари за литар. Малопродажната цена на мазутот М-1 НС се зголемува за 2,389 денари, со што цената на М-1 НС изнесува 15,246 денари за еден килограм.