НОВОГОДИШЕН КОНЦЕРТ НА МУЗИЧКОТО УЧИЛИШТЕ НЕГОТИНО

ООМУ „ Владимир Арсовски “ од Неготино синоќа во салата на Центарот за култура „ Ацо Ѓорчев “ го одржа традиционалниот Новогодишен и Божиќен концерт. И годинава салата во Центарот за култура беше премала да ги собере сите оние кои сакаа да го погледнат овој концерт. Извонредна изведба во живо на бројни новогодишни песни, популарни мелодии, поп хитови испеани од хорот и солисти придружувани од оперската пејачка а воедно и наставничка Кристина Палија придружувани од бендот на наставници од училиштето. Со песна и радост учениците од неготинското училиште полека ја испратија старата и ќе ја дочекаа новата година. Изведбата на овој извонреден концерт со овации и воодушевување ја проследија бројни граѓани од општина Неготино, а присутен беше и градоначалникот на општина Неготино кој со воодушевување го проследи целиот концерт. На крајот од  концертот градоначалникот им честита за успешноста на овој концерт и им посака Среќна Нова Година со многу здравје, среќа и успех во истата.