НОВОГОДИШНА ПРЕТСТАВА НА ДЕТСКАТА ГРАДИНКА ФЕМО КУЛАКОВ ОД НЕГОТИНО
Додадено на 29-12-2015 во НЕГОТИНО
Разиграно, распеано, весело денеска беше во детската градинка „ Фемо Кулаков “ во Неготино. И годинава детската градинка „ Фемо Кулаков “ ја одржа традиционалната Новогодишна претстава НОВОГОДИШНА БАЈКА во која главна улога покрај дечињата кои ја посетуваа земаа и претставници на Советот на родители на градинката и секако воспитно-образовниот тим. И овој пат градоначалникот Ванчо Апостолов за најмладите обезбеди 390 новогодишни пакетчиња кои Дедо Мраз ќе им ги подели на дечињата. Тој ја искористи и приликата на сите дечиња да им посака среќна нова 2016 година со многу здравје, среќа и успех. Директорката на детската градинка ја истакна одличната соработка со локалната самоуправа и јавно се заблагодари за се она што е направено за дечињата.
