НОВОГОДИШНИ ПАКЕТЧИЊА ЗА ДЕЦАТА ОД 7 ИГРАЛНИ ВО РУРАЛНИТЕ СРЕДИНИ

Во рамки на спроведувањето на многубројните предновогодишни активности, градоначалникот на општина Неготино Ванчо Апостолов заедно со претставници од општинската администрација, вчера посети 4 од вкупно 7 детски игрални кои функиционираат во руралните средини на територијата на општина Неготино, во кои престојуваат дечиња од предучилишна возраст до 5,5 години. На дечињата од 4 детски игрални градоначлникот Апостолов им подели по едно новогодишно пакетче, им ја честита Новата година со желби за многу здравје, среќа и успех во учењето.

„ Ова е проект кој е финансиран од општина Неготино со цел да им се излезе во пресрет на родителите и дечињата од руралните средини своите дечиња да ги носат во игралните кои се наоѓаат во руралните средини. Денеска ги посетивме 4 игрални, а во вторник ќе ги посетиме и останатите 3 заедно со детската градинка Фемо Кулаков и ќе им доделиме новогодишни пакетчиња “ – рече градоначалникот Апостолов.

 Во знак на благодарност дечињата на градоначалникот и присутните им изведоа музички точки и му се заблагодарија за посетата и доделните подароци.