НОВОГОДИШНИ ПАКЕТЧИЊА ОД МОТО КЛУБОТ ТИКВЕШ РАЈДЕРС КАВАДАРЦИ

По втор пат и годинава членовите на мото клубот „ Тиквеш Рајдер “ од Кавадарци во пресрет на одбележувањето на Новогодишните и Божиќните празници поделија новогодишни пакетчиња. Годинава новогодшини пакетчиња добија случајни минувачи, дечиња на градскиот плоштад во Кавадарци. Самоиницијативно и со сопствени средства тие ги набавија новогодишните пакетчиња  и му го разубавија денот и на штитениците на установата Мал групен дом Кавадарци чија насмевка не можеше да се сокрие од нивните лица и им посакаа среќна нова 2016 година со желби за мнногу здрвје и среќа. Со ваквиот потег членовите на тиквешкиот мото клуб уште еднаш ја покажаа својата хумана страна и најавија дека ваквата хуманост ќе продолжи и понатаму и ќе прерасне во традиција. Инаку, минатата година новогодишни пакетчиња добија дечињата кои во моментот се лекуваа на детското одделение при општа болница Кавадарци.