Облачно време со обилни врнежи од дожд

Времето во Македонија ќе биде облачно со обилни врнежи од дожд, кои наместа ќе бидат над 50 литри на метар квадратен.

Локално ќе има појава на невреме со поројни врнежи, грмежи и услови за изолирана појава на град. Ќе дува засилен, повремено и силен јужен ветер со брзина над 90 километри на час.

Температурата ќе се движи пет до 15 степени.

Во петок ќе има повремени врнежи од дожд, на планините од снег, а поради заладувањето со северен ветер попладне снег ќе има и на некои пониски места.

За време на викендот времето ќе биде претежно стабилно и студено со ниски температури кои во недела сабајле на места се очекува да се спуштат и под минус 10 степени.