ОБЈАВЕН УПИСОТ ЗА НОВИ УЧЕНИЦИ ВО НЕГОТИНСКОТО СРЕДНО УЧИЛИШТЕ

СОУ„  Св. Кирил и Методиј“ од Неготино го објави конкурсот за упис на ученици во неготинското средно училиште за учебната 2016/2017 година при што сите заинтересирани ќе можат да се запишат на струките и профилите со кои располага училиштето. Во гимназиско образование ќе се формираат 5 паралелки од кои 4 гимназиско образование и една билигвална (двојазична) паралелка, во електротехничката струка  ќе се формираат 4 паралеки од кои за електротехничар за компјутерска техника и автоматика 2 паралелки, електротехничар енергетичар 1 паралелка и електроинсталатер и монтер трети степен-1 паралелка. Во хемиско-технолошката струка ќе се формираат исто 4 паралелки од кои една паралелка за прехранбен техничар, 1 паралелка за техничар нутриционист, месар трети степен 1 паралелка и преработувач на жито, брашно и шеќер трети степен-1 паралелка. Од СОУ„ Св. Кирил и Методиј“ Неготино потенцираат дека сите заинтересирани ученици кои своето образование сакат да го продолжат во оваа образовна установа, подетални информации можат да добијат во самото училиште.