ОГРОМЕН ИНТЕРЕСОТ ВО НЕГОТИНО ЗА МЕРКИТЕ 121 И 112 ОД ПРОГРАМАТА ЗА ФИНАНСИСКА ПОДДРШКА И РУРАЛЕН РАЗВОЈ

Зголемена фреквенција на земјоделци во Агенцијата за поттикнување на развојот на земјоделството  во Неготино  со цел  добивање на подетални информации и аплицирање по мерките  121 и 112  од Програмата за финансиска  подршка и рурален развој.

Според изјавата на раководителот на агенцијата Ѓоко Ајтов во овој период регистриран е огромен интерес од страна на млади земјоделци за искористување на можност за добивање на  неповратни средства во висина од 600 000 денари . Досега се поднесени вкупно 80 електронски барања за набавка на трактори и приклучна механизација  на млади земјоделци од 18 до 40 години кои иднината во обезбедување на своја егзистенција ја гледаа во земјоделието. 10 % од реализираните барања се однесуваат  на областа на пчеларството вели Ајтов, а набавка  на  се што е потребно за пчеларење  па слободно може да се каже дека пчеларството во Неготино не е само професија на пензионери и повозрасни граѓани туку напротив се повеќе млади лица се интересираат за унапредување на своето  земјоделско стопанство  со набавка на опрема  за пчеларство и пчелни матици. Освен овие млади земјоделци   од мерката 121 од Програмата за финансиска подршка и рурален развој поднесени се уште7 електронски барања вели Ајтов  кои исклучиво се  за набавка на опрема за пчеларење и  пчелни матици  за земјоделци до 40 години  каде 50 отсто од нивната инвестиција ќе му биде субвенционирана.  По завршувањето на мерката 121 за житни и индустриски култури од Општина Неготино поднесени се седум апликации  за набавка на механизации .