Од 23 до 30 ноември Детската градинка Фемо Кулаков од Неготино ја спроведе акцијата недела на рециклирање

Од 23 ноември па до 30 ноември, Детската градинка „ Фемо Кулаков “ од Неготино  спроведе акција за собирање на пластични шишиња односно спроведе недела на рециклирање во која се разговараше за значењето на екологијата. За тоа како треба да се селектира отпадот односно како да се грижиме за средината во која живееме. Во текот на оваа недела дечињата од двата клона на неготинската детска градинка носеа пластични шишиња и истите ги сортираа по големина, боја.

Сортираните пластични шишиња дечињата ги однесоа во Центарот за лица со ментален хендикеп „ Порака “ од Неготино, каде штитениците на дневниот центар му покажаа како ги пресуваат во големата машина која тие ја поседуваат и од нив направија големи бали кои подоцна ги продаваат. Дечињата од градинката беа присутни и го видоа целиот процес на рециклирање а и самите учествуваа во истиот. Од детската градинката Фемо Кулаков се заблагодаруваат на сите семејства кои дале допринос во акцијата и донеле шишиња, а најголема благодарност упатуваат до Дневниот Центар „ Порака “ кој им овозможи на дечињата да го научат целиот процес на рециклирање.