ОЛД ТАЈМЕРИ НЕГОТИНО

Изминатиот викенд во општина Неготино сее одржа манифестацијата „ Олдтајмер викенд 2016- Автомобилизам и туризам “. Истата беше во организација на Олд тајмер клубот „ Класик “ во соработка со општина Неготино на која учество земаа учесници, сопственици на олдтајмер возила од Македонија но и од соседните држави кои се претставија со околу 20 автомобили и неколку моторцики. На настанот беше присутен и градоначалникот на општина Неготино Ванчо Апостолов кој истакна дека во општина Неготино секоја година по повод Денот на општината се организира изложба на олдтајмери, а неуморниот ентузијаст Дионис Пашлаков од Неготино потсети дека првата изложба на олдтајмери во независна Македонија се одржала токму во Неготино во далечната 2003-та година.

Манифестацијата во Неготино започна на градскиот плоштад со почеток од 13 часот. Рутата на движење се одвивала во источниот дел на Македонија, а учесниците посетиле повеќе градови , историски и културни места. Истата била од спортско рекреативен карактер со запознавање на културните и историските места во Македонија со олтаимер возила кои ја спојуваат историјата и културата. Интересот на олдтаимер изложбите е голем и буди емоции и сеќавање на возилата од минатoто, а младите генерации го гледаат прогресот на автомобилот во годините- вели Пашлаков.

Инаку, Олдтаимер клубот Класик во 2016 година ќе организира три манифестации од ваков вид со што ќе допринесе за развој на автомобилизмот и туризмот во Македонија.