ОПШТИНА НЕГОТИНО ПРОДАВА 6 ГРАДЕЖНИ ПАРЦЕЛИ ЗА ИНДИВИДУАЛНО ДОМУВАЊЕ
Општина Неготино објави на продажба шест градежни парцели во три урбани заедници во КО Неготино за изградба на објекти за индивидуално домување. Парцелите се со различни големина и се движат од 370 до 1247 м2, а се во рамки на објавата за оттуѓување на градежно земјиште сопственост на Република Македонија. Почетната цена за еден метар квадратен за сите 6 градежни парцели изнесува 373 денари.
Право на учество на јавното наддавање имаат сите физички лица државјани на Република Македонија, државјани на држави членки на Европската унија, државјани на држави кои не се членки на Европската унија, а кои под услови на реципроцитет можат да стекнат право на сопственост на градежно земјиште на територијата на Република Македонија, како и правни лица домашно правно лице, правно лице во мешовита сопственост, правно лице основано од странско физичко и правно лице, регистрирани во Централен регистар на Република Македонија, странски правни лица резиденти на држави членки на Европската унија и држави кои не се членки на Европската, а кои под услови на реципроцитет можат да стекнат право на сопственост на градежно земјиште на територијата на Република Македонија.
Пријавите за учество на јавно наддавање заинтересираните можат да ги достават најдоца до 29 овој месец, а јавното наддавање ќе се одржи на 03 август електронски на интернет страницата www.gradezno-zemjiste.mk со почеток од 10,00, 11,00 и 12,00 часот. Јавното наддавање ќе трае по 15 минути за сите парцели, а заинтересираните подетални информации можат да најдат на официјалната веб-страница на општина Неготино.
