ОТКАЖАНИ СИТЕ СЛЕТУВАЊА И ПОЛЕТУВАЊА НА АЕРОДРОМОТ АЛЕКСАНДАР ВЕЛИКИ

Поради магла сите полетувања и слетувања на скопскиот аеродром „Александар Велики" утринава се откажани. Дел од слетувањата утрово биле пренасочени на охридскиот аеродром.

На информативната табла на скопскиот аеродром откажани се сите полетувањата и слетувањата до 11 часот, а засега не се знае дали предвидените летови по 11 часот ќе се реализираат. Според метеоролошката прогноза не се очекува кревање на маглата од скопската котлина. На интернет страницата на аеродромот сите последни информации навремено се објавуваат.