ПАТРОНАТ ООУ ГОЦЕ ДЕЛЧЕВ НЕГОТИНО

Со положување на свежо цвеќе на спомен бистата поставена во училишниот двор, учениците и наставниците од ООУ „ Гоце Делчев “ од Неготино го прославија празникот на својот патрон, македонски револуционер, херој, деец и срцето на македонската револуционерна Македонија Гоце Делчев. 

Во рамки на прославата беше прикажана и културно-уметничка програма од учениците од училиштето на која беше присутен и градоначалникот на општина Неготино Ванчо Апостолов и бројни гости,  а свое обраќање имаше и директорката на училиштето Весна Јованова која говореше за постигнатите резултати на учениците и наставниците како и раководниот тим на училиштето.

Во рамки на прославувањето на патрониот празник беа доделени и наградите и дипломите за најдобрите од распишаниот конкурс по македонски јазик за креативно пишување во стихови или проза на непозната тема, а истите беа и прочитани пред присутните.