ПО 4 ПАТ ОПШТИНСКИОТ НАТПРЕВАР ДЕТСКИ СЕМАФОР ВО НЕГОТИНО
Во просториите на ООУ „ Страшо Пинџур “ во Неготино денеска се одржа четвртиот по ред општински натпревар „ Детски семафор 2016 “. Како и секоја така и оваа година истиот се реализираше во организација на Општинскиот совет за безбедност во сообраќајот на патиштата Неготино секако со поддршка на Републичкиот совет за безбедност во сообраќајот на патиштата, а под покровителство на општина Неготино.
„ Во Неготино годинава се одржува четвртиот по ред општински натпревар „ Детски семафор 2016 “ на кој учество земаа ученици од ООУ„ Страшо Пинџур “, ООУ „ Гоце Делчев “, ООУ „ Димката Ангелов Габерот “ Демир Капија како и ученици од СОУ „ Св.Кирил и Методиј “ Неготино. Учесниците се натпреваруваат во мала категорија ( четвртто, петто и шесто одделение ), средна ( седмо осмо и деветто одделение ) и средношколци “- вели Дејан Нацев претседател на ОСБСП Неготино.
На натпреварот беше присутен и градоначалникот на општина Неготино Ванчо Апостолов и истиот го прогласи за отворен, а на сите учесници им посака многу успех и да подобри најдобриот кои понатаму ќе ја претставува општина Неготино и на регионални и државни натпревари. Градоначалникот Апостолов додаде дека општина Неготино како и досега и понатаму ќе се грижи за безбедноста на улиците и патиштата во градот и населените места.
Инаку, натпреварот се одвиваше во два дела односно теоретски дел во кој учениците ги покажаа познавањата на сообраќајот и сообраќајната култура и практичен дел вешто возење на велосипед и мобед. Основците се натпреваруваа со велосипеди, а средношколците со мобеди, а истите ги оценуваше стручна комисија од Општинскиот совет за безбедност во сообраќајот на патиштата. За најдобрите три места во сите категории, организаторите им доделија награди и истите ќе учествуваат на регионалните натпревари.
