ПОДНЕСЕНИ ОКОЛУ 300 ПРИЈАВИ ЗА НАСТАНАТИ ШТЕТИ НА ЗЕМЈОДЕЛСКИТЕ НАСАДИ
По објавениот повик од општина Неготино до земјоделците за пријавување на штетите на земјоделското земјиште за претрпените материјални штети кои ги предизвикаа ниските температури во општина Неготино.
„ Денеска беше последен ден за пријавување на штетите на земјоделските насади за штетите кои ниските температури ги предизвика и можат да кажам дека околу 300 земјоделци од општината поднесоа пријави. Најчести се пријавите на земјоделци кои имаат штети на лозови и овошни насади и тоа производители од селата во општината, но и од градот. Денеска беше последен ден за доставување на пријави, а веќе општината има формирано стручна комисија која ќе излезе на терен и ќе ја утврдва фактичката состојба, односно штета “- вели Митко Толовски соработник за заштита на животната средина при локална самоуправа Неготино.
Откако општински комисии ќе извршат увид во фактичката состојба на терен и ќе ги утврдуваат штетите, записникот ќе биде усвоен од страна на Советот на општина Неготино и доставен до ресорното Министерство за земјоделство, шумарство и водостопанство.
Инаку, општина Неготино го објави овој јавен повик пред една недела за пријавување на штетите кои ниските температури ги предизвикаа на земјоделските насади и тоа во периодот од 27 до 29 март за овошни насади и 20 април за лозови и други насади.
