Претежно облачно со локални врнежи од дожд

Времето во Македонија ќе биде претежно облачно, претпладне се уште ќе има локални врнежи од дожд, а на планините и на некои повисоки места можен е слаб снег. Кон крајот на денот облачноста ќе се намалува.

Ќе дува слаб до умерен ветер од северен правец.

Утринската температура ќе се движи од два до осум, а дневната од шест до 13 степени.

Утре попладне ќе има врнежи од дожд, а веќе од среда почнува стабилизација на времето со повисока дневна температура.