Раде Стојановиќ се враќа во репрезентацијата!!!
По подолга пауза, еден од најдобрите македонски леви ракометни бекови се враќа во репрезентативниот дрес.
Новиот селектор Ивица Обрван го објави поширокиот список на играчи, за квалификациските натпревари со Швајцарија и Португалија, а меѓи нив се најде и левиот бек Стојановиќ, кој моментално настапува во Катар.
Стојановиќ по пауза од речиси четири години повторно доби повик за настап во националниот тим, а македонската јавност го памети како еден од најдобрите на таа позиција кои го облекле националниот дрес.
Со враќањето на Стојановиќ, доколку остане и на потесниот список, тогаш Македонија се чини дека конечно ќе добие разорен десен бек, позиција која се покажа како доста проблематична со оглед на тоа што Наумче Мојсоски често игра и како централен бек, па освен Лазаров, немавме друг бек кој може да постигне гол од поголема далечина, што често резултираше со пасивност и безидејност во нашите напади кои многупати завршуваа со техничка грешка или пак изнуден шут од неизградена позиција.
Сепак, останува отворено прашањето во каква форма моментално се наоѓа Стојановиќ.
Македонија на 12.јуни ќе гостува во Швајцарија, а на 16.јуни ќе ја пречека Португалија и со победи на овие натпревари би изборила пласман на Европското првенство кое следната година ќе се игра во Данска.
Инаку, доколку, Шпанците во двете средби ја победат Португалија, тогаш на Македонија во дуелот со Португалците ќе и биде потребна било каква победа, но секако под услов Лазаров и останатите да ја совладаат Швајцарија.
Список на повикани ракометари:
1. Даскалоски Златко – РК ВАРДАР ПРО
2. Митревски Никола – РК МЕТАЛУРГ
3. Ристовски Борко – ХЦ ГУМЕРСБАХ
4. Недановски Владимир – РК МЕТАЛУРГ
5. Ојлески Гоце – РК ВАРДАР ПРО
6. Алушевски Стевче – РК МЕТАЛУРГ
7. Мојсовски Наумче – РК МЕТАЛУРГ
8. Лазаров Филип – РК ВАРДАР ПРО
9. Јоновски Аце – РКМЕТАЛУРГ
10. Маркоски Велко – РК МЕТАЛУРГ
11. Кузмановски Горан – ХЦ ОДОРХЕИ
12. Ангеловски Бранислав - ХЦ КОНСТАНЦА
13. Миркуловски Филип – РК МЕТАЛУРГ
14. Лазаров Кирил – АТЛЕТИКО МАДРИД
15. Мајнов Лазо – ХЦ ЕЛВЕРУМ
16. Левов Милан – РК МЕТАЛУРГ
17. Стојчевски Никола – КАТАР
18. Темелков Владимир – БАШАРАЖ
19. Мојсовски Златко – РК МЕТАЛУРГ
20. Јовчевски Влатко – РК ВАРДАР ПРО
21. Димовски Ванчо – РК МЕТАЛУРГ
22. Стоилов Стојанче – РК ВАРДАР ПРО
23. Марковски Никола – РК ВАРДАР ПРО
24. Чаневски Градимир – РК ВАРДАР ПРО
25. Пецаковски Дејан – ЗОМИМАК М
26. Стојановиќ Радослав – КАТАР
