РАСПИШАН КОНКУРС ЗА ОСНОВЦИТЕ ЗА ИЗРАБОТКА НА ДЕЛА ОД РЕЦИКЛИРАН МАТЕРИЈАЛ
Инвентивноста и богата фантазија на учениците од основните училишта во регионот за изработка на уметнички дела од рециклиран материјал повторно на тест. Оваа можност им ја дава Регионалниот Еко Центар „ Еко живот “, а се однесува за сите основни училишта од Кавадарци, Неготино, Демир Капија и Росоман. Изработените уметнички дела од рециклиран материјал се мисли на дрво, стакло хартија и најразличен друг материјал или амбалажа која може да се реупотребува и терба да бидат на тема: природа, пролет и екологија. Според зборовите на председателот на „Еко-живот“ Роберт Паризов крајниот рок за пријавување на учесниците е 10 април 2016 година до кога ќе треба да биде спроведен конкурсот на училишно ниво, а прогласувањето на наградените се предвидува на 22 април на денот на планетата Земја. Пријавувањето е на официјалната интернет адреса на „Еко-живот“ односно секое училиште треба да се пријави дека го прифаќа конкурсот и дека ќе спроведе интерен училишен избор од кои најдобрите пет од секое училиште ќе може да се натпреваруваат на ниво на целиот регион. Нјадобрите учесници ќе добијат вредни награди открива Паризов потенцирајќи дека секој учесник на регионалниот конкурс ќе добие награда. „Еко –живот“ го задржува правото на сопственост на наградените уметнички експонати.
