СЕРТИФИКАТИ ДЕЛФ/ДАЛФ ЗА УЧЕНИЦИТЕ ОД НЕГОТИНСКОТО СРЕДНО УЧИЛИШТЕ

Изминатиот период ученици од билингвалната ( француска ) паралелка во СОУ „ Св. Кирил и Методиј “ од Неготино добија сертификати ДЕЛФ  и ДАЛФ, ниво А2 и ниво Б1. четиринаесет ученици се стекнаа со сертификат А2, а другите 15 ученика со Б1. Овие сертификати свечено им ги додели директорката на Францускиот институт во Скопје Марши Барбо.

Овие сертификати имаат траен карактер и претставуваат дипломи за познавање на францускиот јазик, а претежно ги полагаат учениците од билингвалната ( француска ) паралелка но можат да се пријават и ученици од други насоки како што беше и случајот минатата година.

 „ СОУ,, Св.Кирил и Методиј ” – Неготино, конкурираше за добивање на брендот наречен Лабел Франс Едукасион, светски признат бренд  за францускиот јазик. Ако се стекнеме со тој бренд, нашето училиште ќе стане испитен центар за регионот за полагање на испитите од ДЕЛФ и ДАЛФ. За да го добиеме ова, имаме големи шанси  кои се на наша страна, а тоа е присуството на француски паралелки од 1997 и двајца професори по француски јазик, сертифицирани за прегледувач и испитувач за дипломите ДЕЛФ – вели професорот по француски јазик Драган Трпковски.