СООБРАЌАЈОТ ВО МАКЕДОНИЈА СЕ ОДВИВА ОТЕЖНАТО

Сообраќајот на сите патишта се одвива отежнато и во зимски услови, со остатоци од снег по коловозите. Поради ниските температури во утринските часови се забележува појава на голомразица.

Од Авто-мото сојузот на Македонија информираат дека забрани за сообраќај на тешки товарни возила има на патниот правец Гостивар - крак Маврово – Дебар - Струга, како и на планинските премини Стража, Буково и Пресека. Забраната за движење на планинскиот премин Пресека важи и за автобуси. На граничните премини нема подолги задржувања за влез и за излез од државата.