СУБВЕНЦИИ ЗА ЛОЗАРОПРОИЗВОДИТЕЛИТЕ ВО НЕГОТИНО И ДЕМИР КАПИЈА

Од изминатиот петок 04 декември во попладневните часови  на сметките на околу 2.500 лозаропроизводители од општина Неготино и Демир Капија им беа исплатени субвенциите за одржување на лозови насади во висина од 4.000 денари за декар лозов насад, а исто така се врши и исплата на субвенциите за житарици и крупен добиток за 2015-та година- информираат од подрачната единица на Агенцијата за финансиска поддршка во земјоделието и руралниот развој во Неготино. Според раководителот на подрачната единица на агенцијата за финансиска поддршка во земјоделието и руралниот развој Ѓорѓи Ајтов, останатите лозаропроизводители кои аплицирале, средствата по основ на субвенции ќе ги добијат во текот на овој месец, односно до крајот на годината. Инаку, по основ на субвенции за 2015-та година средства во висина од околу 5.000.000 евра  ќе им бидат исплатени на близу 4.300 земјоделци од општините Неготино и Демир Капија.