ТРЕНИНГ СИМУЛАЦИЈА ВИЗИИ И ЖЕЛБИ ЗА ЕВРОПА, МОДЕЛ НА ИДНИНАТА ВО ЕВРОПА СПРОВЕДЕНА ВО НЕГОТИНСКОТО СРЕДНО УЧИЛИШТЕ
Изминатите денови во СОУ „ Св. Кирил и Методиј “ Неготино се одржа Тренинг- симулација „ Визии и желби за Европа, модел на иднината на Европа “ во соработка со фондацијата Конрад Аденауер која има претставништво во Скопје. на оваа тренинг симулација учество земаа одколу 40 ученици од 2,3 и 4 година од неготинското средно училиште.
Оваа тренинг-симулација има за цел да одговори на желбите, на визиите за Европа, каква таа треба да биде во блиска иднина од гледалиштето на средношколците. Да го доближи комплексниот процес на преговори за проширување на ЕУ, овозможувајќи им на учениците да креираат модел каква Европа сакаат во блиска иднина според нивното гледиште.
Тренинг- симулацијата беше успешно реализирана од страна на учениците, при што на крајот од симулацијата добија и сертификати за учество на истата, а обучувачите беа видно задоволни од спроведувањето на оваа Тренинг-симулација.
