УГОСТИТЕЛСКИТЕ ОБЈЕКТИ ЌЕ РАБОТАТ ЕДЕН ЧАС ПОМАЛКУ
Согласно одредбите од Законот за угостителска дејност од понеделникот 15 февруари па се до 31 март годинава, работното време на угостителските објекти е за еден час пократко.
Тоа значи дека:
-Угостителските објекти за исхрана без оглед на видот на угостителските услуги може да работат од 07:00 до 24:00 часот. Во деновите петок и сабота, како и спроти празнични и празнични денови работното време е до 01:00 часот.
-Ноќните барови и кабареа можат да работат од 20:00 до 04:00 часот, а во деновите петок и сабота, спроти празници и празници до 05:00 часот.
- Диско клубовите се со работно време од 19:00 до 04:00 часот во работни денови, односно до 06:00 часот во деновите петок и сабота, како и спроти празнични и во празнични денови.
Од Државниот пазарен инспекторат информираат, согласно своите надлежности ќе ги интензивираат инспекциските надзори над почитување на одредбите од Законот за угостителска дејност, посебно делот за работното време, а ќе го зголемат и бројот на надзорите за почитување на Законот за заштита од пушење во угостителските објекти како и надзорите над одредбите од Законот за забрана и спречување на вршење на нерегистрирана дејност.
