УПИСИ ВО НЕГОТИНСКОТО СРЕДНО УЧИЛИШТЕ

Вчера заврши второто пријавување од првиот уписен рок за запишување на полуматурантите во прва година во СОУ „ Св. Кирил и Методиј “ Неготино. Полуматурантите имаа можност да се запишат во гимназиско образование, стручните паралелки со тоа што резултатите од запишувањето и слободните места  од училиштето ќе бида објавени утре 6 јули. 

Одговорните од СОУ „Св. Кирил и Методиј “ Неготино  информираат дека слободни места за запишување има во гимназиско образование, електротехничка струка, хемиско-технолошка струка и во прехранбената струка. За сите кои нема да успеат да се запишат во овој рок , следниот датум, односно вториот уписен рок за августовските уписи е 24-ти август, а резултатите ќе бидат познати веќе следниот ден. Согласно објавениот оглас од Министерството за образование и наука, училиштата што во двата уписни рокови нема да ги пополнат утврдените места, ќе можат да продолжат со запишување заклучно со 31-ви август, оваа година.