УПИСИ ЗА ПРВАЧИЊА НА ООУ ГОЦЕ ДЕЛЧЕВ НЕГОТИНО

Од 01 мај започнаа уписите за учениците во прво одделение во ООУ „ Гоце Делчев “ Неготино и истите ќе траат до крајот на месецот односно до 31 мај. Сите заитересирани родители кои сакаат своите деца да ги запишат во ова училиште истото може да го направат секој работен ден од 12,00 до 15,00 часот во просториите на училиштето , при што родителите потребно е да дојдат заедно со своите деца и со себе да понесат, идентификација односно лична карта. Како што информира директорката на училиштето Весна Јованова, за запишување на ученикот потребни документи се извод од матичната книга на родените, потврда од Здравствениот дом за примени вакцини и потврда за систематски преглед кај стоматолог. Инаку, за во учебната 2016/2017 година ќе се врши упис на деца ученици во прво одделение родени во 2010 година и во месец јануари 2011 година.