УСПЕШНА ДОБРОВОЛНА КРВОДАРИТЕЛСКА АКЦИЈА ВО НЕГОТИНО

Денеска во просториите на општина Неготино беше спроведена уште една успешна доброволна крводарителска акција, на која крв даруваа граѓани на општина Неготино. И оваа крводарителска акција беше организирана од Општинската организација на Црвен Крст Неготино и Институтот за трансфузиона медицина Скопје кои и овој пат беа задолжени за проверка на здравствената состојба на дарителите.

Акцијата започна во 9 часот, а веќе до 12 часот бројката на собрани крвни единици изнесуваше 20. Од неготинскиот Црвен крст информираа дека до крајот на крводарителската акција очекуваа бројот да достгне од 50 до 60 крвни единици. Покрај во Неготино, утре крводарителска акција ќе се спроведе и во Демир Капија во просториите на ООУ „ Димката Ангелов Габерот “ со почеток од 9 до 14 часот.