ХУМАНОСТА НЕМА ИМЕ. КЛУБОТ НА МЛАДИ ПРИ ООЦК НЕГОТИНО ОРГАНИЗИРАШЕ ХУМАНИТАРЕН НАТПРЕВАР ВО ОДБОЈКА, А СОБРАНИТЕ ФИНАНСИСКИ СРЕДСТВА БЕА ДОНИРАНИ НА СМЕТКАТА НА ЦРВЕНИОТ КРСТ НА РМ ЗА НАСТРАДАНОТО НАСЕЛЕНИЕ ВО ПОПЛАВИТЕ ВО ИСТОЧНА МАКЕДОНИЈА И ПЕЛАГОНИСКИ
Обилните врнежи кои ја зафатија нашата земја изминатиот период предизвикаа огромни штети на населението во Источна Македонија и пелагонискиот регион. По тој повод во цела држава беа организирани и се организираат голем број на хуманитарни акции за помош на поплавеното население. Во рамки на овие акции се приклучи и Клубот на млади при ООЦК Неготино. Заедно во во соработка со Младинската организација на СОУ,,Св.Кирил и Методиј" од Неготино, изминатите два дена беше реализиран хуманитарен турнир во одбојка , а собраните средства беа донирани на сметката на Црвениот крст на Република Македонија за загрозеното население од поплавите во Македонија.
Хуманитарниот настан се одвиваше во спортската сала на СОУ „ Св. Кирил и Методиј “, а на турнирот учество земаа 15 тимови. Секој тим броеше по шестмина учесници односно 90 млади играчи од општина Неготино. Инаку, хуманитарниот натпревар се одвиваше два дена а на истиот го посетија околку 100 хумани луѓе од општина Неготино кои дојдоа да ги бодрат натпреварувачите а воедно и да донираат за настраданите. Првото место на турнирот го освои екипата Офсајд, второто место екипата
Поплава додека пак третото место го освои екипата Антигона. Инаку, собраните средства беа од самите учесници на натпреварот како и од публиката која присуствуваше. Клубот на млади при ООЦК Неготино, собраните средства од котизацијата за учество на тимовите, како и сумата од симболичната цена на влезниците од 20 денари ги донираа однодно уплатија на хуманитарната трансакциска сметка на Црвениот крст за помош на настраданото население во Македонија.
