Ќире заминува од Атлетико?

Ракометен клуб Атлетико Мадрид, во чии редови настапува Кире Лазаров го очекува бурен период, откако се погласни стануваат шпекулациите дека ќе го намалуваат буџетот за следна сезона, пренесе Нетпрес.

Шпанија се наоѓа во криза и сите клубови ќе мора да се адаптираат на новонастанатата ситуација. Она што јас го гарантирам е дека овој клуб нема да исчезне од ракометната мапа, но доколку очекувате повторно да конкурира за највисок пласман, сметам дека тоа нема да биде возможно. Буџетот ќе ни биде поскромен, а со таков буџет и со играчи од понизок статус не може да се бркаат трофеи, изјави претседателот на клубот Лопез во интервју за Ројтерс.

Лазаров минатата сезона потпиша двегодишен договор со Атлетико Мадрид. Но, иако нашиот интернационалец тврди дека е среќен во Мадрид, најновата ситуација ќе наложи тој или да се согласи на намалување на платата, или пак да си замине од клубот.

Кире би можел кариерата да ја продолжи во Германија или во унгарскиот Весапрем, а не е исклучена можнмоста и да се врати во Македонија.