Џастин Гетлин побрз од Болт

Американскиот спринтер го изненади Јусеин Болт и атлетскиот свет откако на митингот во Рим во рамките на Дијамантската лига беше побрз од Јамајканецот.

Најбрзиот човек на планетата Јусеин Болт заврши како втор на трката на 100 метри на митингот во Рим во рамките од Дијамантската лига. Побрз од него беше американскиот спринтер Џaстин Гетлин кој делницата ја истрча за 9,94 секунди, додека Јамајканецот имаше време од 9,95 секунди.

Болт одлично ја стартуваше трката, но на неколку метри пред целта како на момент да ја загуби силата, а тоа го искористи Гетлин и прв ја помина целта.

-Чувството е одлично. Јусеин Болт е одличен спортист и одличен натпреварувач, но кога трчам имам самодоверба и сакам да доминирам. Се разбира ова не значи дека Болт треба да се отпишува. Сетете се дека нешто слично беше и пред Олимписките игри на првенството во Јамајка, а потоа во Лондон ги освои златните медали, изјави по трката Џастин Гетлин.