ЏЕЗ ФЕСТИВАЛ 1440

И годинава како и претходните во организација на Националната установа Центар за култура „ Ацо Ѓорчев “ во Неготино под покровителство на Министерството за култура на Република Македонија се одржа традиционалната манифестација „ Џез фестивал “. И овој џез фестивал беше посетен од голем број посетители од општината и пошироко и уживаа во четиричасовната програма. Присутните уживаа во музиката на познатите музички џез имиња Кате и Гоце Мицановски, Модерн џез квартет, Филип Стефановски квартет и многу други. Од неготинскиот центар за култура се задоволни од посетеноста на фестивалот и се надеваат дека истиот од година во година ќе биде се повеќе посетен.